काठमाडौं । अन्तत: नहकुल सुवेदी र डा. कुमार चुँडाल सर्वोच्च अदालतको न्यायाधीश बन्ने भएका छन् । सर्वोच्च अदालतको न्यायाधीशमा सिफारिस भएका दुवै जना संसदीय सुनुवाइबाट अनुमोदन भएका छन् ।
आज शुक्रबार भएको सुनुवाइपछि दुवै न्यायाधीशको नाम सर्वसम्मत रूपमा अनुमोदन भएको हो । न्याय परिषदको बैठकले फागुन २८ गते उच्च अदालतका मुख्य न्यायाधीशद्वय चुडाल र सुवेदीलाई सर्वोच्चको न्यायाधीशमा सिफारिस गरेको थियो ।
आज शुक्रबार संसदीय सुनुवाइ समितिले उनीहरु योग्यता, क्षमता र अनुभवका आधारमा उक्त पदका लागि योग्य देखिएकाले सर्वसम्मतिले अनुमोदन गरेको निर्णय गरेको हो ।
संसदीय सुनुवाइ समितिबाट नाम अनुमोदन भएपछि प्रस्तावित न्यायाधीश चुडाल र सुवेदीलाई राष्ट्रपतिले सर्वोच्च अदालतको न्यायाधीशमा नियुक्ति गर्ने संवैधानिक व्यवस्था छ ।
