काठमाडौं । प्रधानमन्त्री समेत रहेका नेकपा एमालेका अध्यक्ष केपी शर्मा ओलीले स्पष्टीकरण सोधिने नेताहरुको सूचीबाट महिला नेतृ रामकुमारी झाँक्रीको नाम हटाएका छन् ।
एमालेको ओली समूहका एक नेताका अनुसार स्पष्टीकरण सोधिने नेताहरुको सूचीमा उनको नाम भएपनि ओलीले अन्तिममा आएर रोकेका हुन् । शुरुमा ५ जना नेताहरु माधव नेपाल, भीम रावल, सुरेन्द्र पाण्डे, घनश्याम भुसाल तथा रामकुमारी झाँक्रीलाई स्पष्टीकरण सोध्ने निर्णय भएको थियो ।
तर अन्तिममा आएर झाक्रीको नाम हटाइएको हो । ओली समूहको नेकपा एमालेको आज शनिबार बैठकले बालुवाटारमा एमालेका झाक्री बाहेक ४ नेतालाई स्पष्टीकरण सोध्ने निर्णय गरेको हो ।
ओली समूहका ती नेताको अनुसार ओलीले झाँक्रीलाई स्पष्टीकरण नै सोध्नुपर्ने गरी उनको ‘तौल’ वा राजनीतिक हाइट नपुगेको भन्दै बाँकी सदस्यहरुलाई कन्भिन्स गराएपछि उनलाई स्पष्टीकरण सोध्ने प्रारम्भिक निर्णय परिवर्तन गरिएको बताए । साथै समानान्तर रुपले जनसंगठन बनाउने सबै नेतालाई कारबाहीको प्रक्रिया अगाडि बढाउने निर्णय वैठकले गरेको छ ।
यो पनि पढ्नुहोस्
एमालेको केन्द्रीय समिति महाधिवेशन आयोजक समितिमा रुपान्तरण
दलको विधान संशोधनपछि ओली यति शक्तिशाली, पाए सांसद हटाउन सक्ने अधिकार
माधव नेपालसहित एमालेका ५ जना नेतालाई स्पष्टीकरण सोध्ने एमालेको निर्णय
