काठमाडौँ । प्रचण्ड-नेपाल समूहको नेकपाका नेता तथा पूर्वमन्त्री भीम रावलले प्रधानमन्त्री केपी शर्मा ओलीले मन्त्रिपरिषद विस्तार गरेर संविधान र लोकतन्त्रको खिल्ली उडाएको बताएका छन् । उनले चुनावको मिति तोकेर पदबाट राजीनामा दिनुको सट्टा निरंकुश शासक झैं मन्त्रिपरिषद विस्तार गरेको आरोप लगाएका हुन् ।
सामाजिक संजाल ट्वीटरमा लेख्दै रावलले देश, जनता र पार्टीप्रति प्रधानमन्त्री ओलीले विश्वासघात र संविधानमाथि घात गरेको बताएका हुन् । ओलीको स्वेच्छाचारी चरित्र र पदको उन्माद आफैं पर्दाफास गरेको रावलको टिप्पणी समेत गरेका छन् । संसद बिघटनपछि प्रधानमन्त्री ओलीले मन्त्रिपरिषद विस्तार गरेपछि रावलको यस्तो टिप्पणी आएको हो ।
देश, जनता र पार्टीप्रति विश्वासघात र संविधानमाथ घात गर्ने प्रधानमन्त्री ओलीले आफै चुनावको मिति तोकेर पनि पदबाट राजीनामा नदिई उल्टै निनरंकुश शासक झैं मन्त्रिपरिषद्को विस्तार गरेर संविधान र लोकतन्त्रको खिल्ली उडाएका छन्।आफ्नो स्वेच्छाचारी चरित्र र पदको उन्माद आफै पर्दाफास गरेकाछन्।
— Bhim Rawal, PhD (@BhimRawal179) December 26, 2020
