काठमाडौँ । नेपालका लागि अमेरिकी राजदूत र्याण्डी बेरीले बडादशैंको टीका लगाएका छन् । उनले काठमाडौँको महाराजगञ्जस्थित अमेरिकी दूतावासमा टीका लगाएका हुन् ।
नेपालस्थित अमेरिकी राजदूतावासको सामाजिक संजाल फेसबुक पेजमा फोटोहरु सेयर गर्दै उनले हर्ष-उल्लासका साथ दशैंको टीका लगाएको जानकारी दिएका हुन् ।
राजदूत बेरीले दूतावासमा मान्यजनबाट टीका तथा जमरा ग्रहण गरेको तस्बिर सामाजिक सञ्जाल फेसबुकमा राखेका छन् । आफूले टीका ग्रहण गरेपछि उनले बालबालिका तथा अन्य व्यक्तिलाई पनि टीका लगाइदिएका छन् ।
उनले आफ्ना साथीहरू र बच्चाहरूसँग मिलेर बडादशैंको मनाएको देखिन्छ । उनले नेपाली तथा अमेरिकी सहकर्मीहरू र उनका बच्चाहरूसँग दशैं मनाएको देखिएको छ ।
नेपालस्थित अमेरिकी राजदूतावासको सामाजिक संजाल फेसबुक पेजमा पोष्ट गर्दै भनिएको छ, ‘तपाईंको दसैंंवाला फ्यामिली फोटो एल्बम कस्तो देखिन्छ ? नेपालस्थित अमेरिकी मिशनको चाँही यस्तो छ ।’
यसअघि राजदूत र्यान्डी बेरीले दसैंको सातौं दिन फूलपातीमा नेपालस्थित अमेरिकी दूतावासमा चंगा उडाएर दसैंको सुरूआत गरेका थिए । उनले सामाजिक सञ्जालमा तस्वीर राखेर दसैं मनाएको जानकारी दिएका थिए ।
फोटो सौजन्य : नेपालस्थित अमेरिकी राजदूतावासको फेसबुक पेज
