काठमाडौँ । आज कोरोना भाइरस विरुद्धको ‘कोभिशिल्ड’ खोपको शुभारम्भ गरिएको छ । नेपालमा कोरोना संक्रमण सुरु भएको १ वर्षपछि खोप अभियान सुरु भएको हो । नेपालमा पहिलोपटक २०७६ माघ ९ गते चीनको वुहान शहरबाट आएका एक विद्यार्थीमा संक्रमण देखिएको थियो ।
प्रधानमन्त्री केपी शर्मा ओलीले आज बुधबार बालुवाटारवाट भर्चुअल माध्यमबाट खोप अभियान शुभारम्भ गरेका हुन् । शुभारम्भ कार्यक्रममा स्वास्थ्य तथा जनसङ्ख्यामन्त्री हृदयेश त्रिपाठी लगायत मन्त्री सहभागी भएका थिए । उनले कोरोना विरुद्धको खोप यथाशीघ्र सबै नेपालीलाई निःशुल्क उपलब्ध गराउने प्रतिबद्धता व्यक्त गरेका छन् ।
देशका विभिन्न १२० खोप केन्द्रबाट कोरोनाविरूद्ध खोप लगाइने मन्त्री त्रिपाठीको भनाइ छ । भारत सरकारको अनुदानमा यही माघ ८ गते १० लाख मात्रा उक्त खोप नेपाल आएको हो । स्वास्थ्य मन्त्रालयले पहिलो चरणको खोप अभियान शुरु गरेको १० दिनभित्र सम्पन्न गर्ने लक्ष्य राखेको छ । यस चरणमा ४ लाख ३० हजारलाई खोप प्रदान गरिने छ ।
तस्वीर सौजन्य : रासस
यो पनि पढ्नुहोस्
