सिन्धुपाल्चोक, साउन ३० । समामुख अग्नि सापकोटा काठमाडौँवाट हेलिकप्टर लिएर सिन्धुपाल्चोक जिल्लाको जुगल गाउँपालिका-२ लिदीको लामा टोलमा भीषण पहिरोस्थल पुगेका छन् । उक्त पहिरोमा १८ घर पुरिएका र ३६ जना वेपत्ता भएका छन् । साथै सो क्षेत्रमा २५-३० घरहरु जोखिममा छन् ।
उक्त पहिरोस्थलमा रहेका समामुखका प्रेस सल्लाहकार श्रीधर न्यौपानेका अनुसार घटनास्थलमा १ जनाको हात र १ जनाको खुट्टा भेटिएको छ । घटनामा परी घाइते भएका १० जनालाई उपचारका लागि सदरमुकाम चौतारा र काठमाडौं पठाइएको छ ।
अहिले घटनास्थलमा नेपाली सेनाको टोली पुगेको छ । शुक्रबार बिहान ६ बजे पहिरो गएको थियो । घटनास्थल अति दुर्गममा भएको र सडक मार्ग समेत नभएकाले प्रहरीको टोली अहिलेसम्म पुग्न सकेको छैन् । घटनास्थलबाट सबैभन्दा नजकि रहेको कात्तिके प्रहरी चौकीबाट पैदल हिड्दा करिब ५ घण्टान्दा बढी समय लाग्छ । सेना र सभामुखको टोली हेलिकप्टर मार्फत घटनास्थल पुगेको हो ।
तस्वीर : देवराज सुवेदी (रासस)
