कात्तिक २४, सिन्धुपाल्चोक । प्रतिनिधि र प्रदेश सभाका लागि पहिलो चरणमा निर्वाचन हुने सिन्धुपाल्चोकमा सुरक्षाका लागि खटाउन म्यादी प्रहरीको तालिम भैरहेको छ ।
एक हजार ४० म्यादी प्रहरीका लागि चार ठाउँमा तालिम सञ्चालन गरिएको छ । सदरमुकाम चौतारा, बाह्रबीसे, मेलम्ची र नवलपुरमा तालिम सञ्चालन भैरहेको हो ।
तालिममा म्यादी प्रहरीलाई सामान्य पि.टी, निर्वाचन सुरक्षासम्बन्धि ज्ञान तथा भीड नियन्त्रण कलाबारे प्रशिक्षित गराइएको जिल्ला प्रहरी कार्यालयका प्रहरी निरीक्षक राजकुमार श्रेष्ठले जानकारी दिए । सिन्धुपाल्चोकको १ सय ४१ मतदानस्थल मध्ये ३१ स्थानलाई संवेदनशील स्थल मानिएको छ ।
