जुम्ला । जुम्ला जिल्लामा पहिरोमा पुरिएर ५ जनाको मृत्यु भएको छ भने २ जना बेपत्ता भएका छन् । जुम्लाको कनकासुन्दरी गाउँपालिका-५ मा पहिरोमा पुरिएर ५ जनाको मृत्यु भएको हो ।
प्रमुख जिल्ला अधिकारी मुकेशकुमार केसरीका अनुसार पहिरोमा परी २ जना बेपत्ता छन् भने अन्य गम्भीर अवस्थामा भएका २ जनाको उद्धार गरिएको छ । उनका अनुसार घाइतेहरुलाई उपचारका लागि अस्पतालतर्फ पठाइएको छ ।
घटनाको विस्तृत जानकारी आउन बाँकी छ । गृहमन्त्री बालकृष्ण खाणले घाइतेको उद्धार र पुनरस्थापनामा कुनै कसुर बाँकी नराख्न गृहप्रशासन र प्रजिअलाई निर्देशन दिएका छन् ।
