ताप्लेजुङमा ट्र्याक्टर दुर्घटना : २ जना मृत्यु, २ घाइते Nepalpatra ताप्लेजुङमा ट्र्याक्टर दुर्घटना : २ जना मृत्यु, २ घाइते
११ माघ २०७८, मंगलबार

ताप्लेजुङमा ट्र्याक्टर दुर्घटना : २ जना मृत्यु, २ घाइते


चितवनमा ट्र्याक्टर दुर्घटना फाइल फोटो

ताप्लेजुङ । ताप्लेजुङको सिरीजङ्घा गाउँपालिकामा भएको ट्र्याक्टर दुर्घटनामा घाइते भएका २ जनाको ज्यान गएको छ । आज भएको दुर्घटनामा परी घाइते भएका चार जनामध्ये सिरीजङ्घा–३ का २५ वर्षीय बसन्त लिम्बू र सोही स्थानका १५ वर्षीय समीर लिम्बूको उपचारका क्रममा निधन भएको हो ।

वसन्त लिम्बूको धरानस्थित घोपा क्याम्पमा र समीरको सिरीजङ्घा गाउँपालिकाको केन्द्र तेल्लोकस्थित प्राथमिक स्वास्थ्य केन्द्रमा उपचारका क्रममा साँझ निधन भएको हो । अन्य २ जनाको भने उपचार भइरहेको जिल्ला प्रहरी कार्यालय ताप्लेजुङले जनाएको छ ।

प्रहरीका अनुसार सिरीजङ्घा गाउँपालिकामै घर भएका चालक अमिन लिम्बूको धरान र सुसन लिम्बूको तेल्लोकमा उपचार भइरहेको छ । आज सिरीजङ्घामा पर्ने ओरक्पाबाट बोखिमतर्फ गोलिया बोकेर जाने क्रममा मे १ त ६८९३ नम्बरको ट्र्याक्टर अचानक सडकबाट २०० मिटरतल झरेको थियो ।

घाइते भएका सबै ट्याक्टरमा सवार थिए । दुर्घटनाको कारण खुलेको छैन । घटनाका सम्बन्धमा अनुसन्धान भइरहेको प्रहरीले जनाएको छ ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !