पोखरा । कास्कीमा बस दुर्घटना हुँदा चालकको मृत्यु भएको छ भने अन्य ८ जना घाइते भएका छन् ।
भैरहवादेखि बागलुङ जाँदै गरेको लु१ख ७७६६ नम्बरको बस मंगलबार बिहान करिब ७ बजे दुर्घटना भएको हो ।
प्रहरीका अनुसार दुर्घटनामा परी बस चालक पाल्पाका ४५ वर्षीय भूपनाथ खनालको मृत्यु भएको छ ।
गम्भीर घाइते भएका उनलाई उद्धार गरी पश्चिम क्षेत्रीय अस्पताल पठाइएकोमा अस्पतालले बिहान ९ बजे मृत घोषणा गरेको प्रहरीले जनाएको छ ।
