हुप्सेकोट गाउँपालिकाको सबै वडामा नेकपा एमाले वडा कमिटी गठन Nepalpatra हुप्सेकोट गाउँपालिकाको सबै वडामा नेकपा एमाले वडा कमिटी गठन
१८ मंसिर २०७८, शनिबार

हुप्सेकोट गाउँपालिकाको सबै वडामा नेकपा एमाले वडा कमिटी गठन


हुप्सेकोट एमाले वडा कमिटी गठन

हुप्सेकोट । नवलपरासी पूर्व नवलपुरको हुप्सेकोट गाउँपालिकामा नेकपा एमालेको प्रथम वडा अधिवेशन सम्पन्न भएको छ । नेकपा एमाले केन्द्रिय निर्देशन अनुसार वडा वडामा आज अधिवेशन गरिएको हो ।

हुप्सेकोट गाउँपालिका १ मा दल बहादुर थापा अध्यक्ष रहने गरि सर्वसम्मत वडा कमिटी गठन गरिएको छ, जसको उपाध्यक्षमा पहल सिंह घर्ती, सचिवमा बम बहादुर सारू, उपसचिवमा हेमा महतो र संगीता दिसुवा मगर र अन्य सबै २६ जना सदस्य रहने गरि ३१ सदस्यीय वडा कमिटी गठन गरिएको अध्यक्ष मण्डलका संयोजक गिर बहादुर कानूङ्ग मगरले जानकारी दिनुभयो ।

त्यस्तै हुप्सेकोट २ मा अध्यक्ष केयर सिंह थापा, उपाध्यक्ष लिला बहादुर ठाडा मगर,सचिव कुम्भ सिंह पाटा र उपसचिवमा पहल सिंह राना र मुना सार्की रहनुभएको अध्यक्ष मण्डलका संयोजक चेतन रानाले जानकारी दिनुभयो ।

त्यस्तै बिराट सामुदायिक बनको सभाहलमा भएको भेलाबाट हुप्सेकोट ३ मा तिल प्रसाद भट्टराई अध्यक्ष, मान बहादुर कार्की उपाध्यक्ष, मुक्त बहादुर गुरुंग सचिव र पि बि राना र राजेश्वरी पोखरेल उपसचिवमा चयन हुनुभएको निर्वाचन मण्डलका संयोजक देवेश्वर भण्डारीले जानकारी दिनुभयो ।

त्यस्तै वडा नम्बर ४ मा इन्द्र बहादुर बयम्बू अध्यक्ष, हेमलाल खाम्चा मगर उपाध्यक्ष, प्रवीण पाण्डे सचिव, र देउमाया दर्लामी कानूङ्ग र रि माया घर्ती मगर उपसचिव हुनुभएको जिल्ला कमिटी सदस्य तथा हुप्सेकोट ४ का इन्चार्ज रोशन थापाले जानकारी दिनुभयो ।

हुप्सेकोट ५ मा पनि सहमति भएको तर नामावली आउन बांकी रहेको छ र वडा नम्बर ६ मा जापडांडा का दुर्गा सोमै अध्यक्षमा निर्विरोध सर्वम्मत चयन हुनुभएको नेकपा एमाले हुप्सेकोट संयोजक पुर्ण प्रकाश बि.क.ले जानकारी दिनुभयो । जसको उपाध्यक्षमा दान बहादुर राना, सचिवमा इन्द्र जीत सिंह ठकुरी , उपसचिवमा चुरा सोमै र कर्नी माया गाहा चयन हुनुभएको छ ।

हुप्सेकोट गाउँपालिकाकाका सबै वडामा ३१ सदस्यीय निर्विरोध वडा कमिटी गठन भएको नेकपा एमाले गाउँ कमिटी संयोजक बि. क. ले बताउनुभयो । नेकपा एमालेले स्थानीय तहमा यही कार्तिक ९ गते पालिका अधिवेशन गर्दैछ ।

हुप्सेकोट एमाले वडा कमिटी गठनहुप्सेकोट एमाले वडा कमिटी गठन


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !