काठमाडौं । अमेरिकी सरकारले गएरातिदेखि सन् २०२३ को लागि डाईभर्सिटी भिसा (डीभी) खुला गरेको छ । सन् २०२३ का लागि आवेदन गएराति ९ः४५ बजेदेखि खुला भएको हो ।
डीभीका लागि आवेदन कात्तिक २३ गतेसम्म दिन सकिने नेपालस्थित अमेरिकी दूतावासले जनाएको छ । डीभी भर्नका लागि कुनै शुल्क नलाग्ने जनाइएको छ । इडीभी फारम भर्नुपर्ने छ भने आवेदन भर्दा २१ वर्ष पूरा नभएका सबै अविवाहित सन्तानलाई सूचीकृत गर्न सकिनेछ ।
उनीहरुलाई समावेश नगरी पेस गरिएको आवेदन भने अमान्य मानिनेछ । नेपालस्थित अमेरिकी दूतावासको वेबसाइटमा गएर थप जानकारी लिन सकिने दूतावासले जनाएको छ ।
