काठमाडौँ, असोज २३ । नेपालमा कोरोना भाइरस (कोभिड-१९) संक्रमणबाट थप १४ जनाको मृत्यु भएको पुष्टि भएको छ । योसंगै नेपालमा कोरोना संक्रमणबाट मृत्यु हुनेको संख्या ६१४ पुगेको पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता प्रा. डा. जागेश्वर गौतमले मन्त्रालयमा हुने नियमित पत्रकार ब्रिफिंगको क्रममा सो कुराको औपचारिक रुपमा पुष्टि गरेका हुन् । हिजो नेपालमा कोरोना संक्रमणबाट थप १० जनाको मृत्यु भएको पुष्टि भएको थियो ।
बिगत २४ घण्टामा कोरोना संक्रमणवाट २ जना महिला र १२ जना पुरुषहरुको मृत्यु भएको मन्त्रालयका प्रवक्ता डा. गौतमले जानकारी दिए । कोरोना संक्रमणवाट मृत्यु हुने २ जना महिलामा काठमाडौँकी १ जना र धादिङकी १ जना रहेकी छन् । कोरोना संक्रमणवाट मृत्यु हुने १२ जना पुरुषमा सुनसरीका १ जना, मोरङका २ जना, सर्लाहीका १ जना, काठमाडौँका २ जना, ललितपुरका २ जना, भक्तपुरका १ जना, मकवानपुरका १ जना, नवलपरासी पूर्वका १ जना र रुपन्देहीका १ जना रहेका छन् ।
मन्त्रालयका प्रवक्ता डा. गौतमका अनुसार कोरोना संक्रमणवाट उमेरका आधारमा मृत्यु हुने २ जना महिलामा काठमाडौँकी ६८ वर्षीया र धादिङकी ३१ वर्षीया १ जना रहेकी छिन् । यस्तै मृत्यु हुने १२ जना पुरुषहरुमा सुनसरीका ४५ वर्षीय, मोरङका २० र ७२ वर्षीय, सर्लाहीका ७१ वर्षीय, काठमाडौँका ४८ र ९० वर्षीय, ललितपुरका ४३ र ४९ वर्षीय, भक्तपुरका ६८ वर्षीय, मकवानपुरका ७७ वर्षीय, नवलपरासी पूर्वका३६ वर्षीय र रुपन्देहीका ५७ वर्षीय रहेका छन् ।
यो पनि पढ्नुहोस्
नेपालमा कोरोना संक्रमणबाट थप १० जनाको मृत्यु, मृतकको संख्या ६०० पुग्यो
