ललितपुर, भदौ ११ । ललितपुर जिल्लाको किस्ट अस्पतालको आइसियूमा उपचाररत कोरोना भाइरस (कोभिड-१९) संक्रमित १ जना पुरुषको मृत्यु भएको छ । अर्घाखाँची स्थायी ठेगाना भएका ५५ वर्षीय पुरुषको हिजो बुधबार राति ८ बजे मृत्यु भएको अस्पताल स्रोतले जानकारी दिएको छ ।
उनलाई गत भदौ ७ गते अस्पताल भर्ना गरिएको थियो । मृतक पुरुष केही समयदेखि काठमाडौँ उपत्यकामा बस्दै आएका थिए । अस्पताल भर्ना गर्दा नै उनमा निमोनियाको देखिएपछि आइसियूमै राखेर उपचार गरिरहेको थियो ।
भदौ ९ गते उनमा कोरोना संक्रमण पुष्टि भएको थियो । मृतकको शब अस्पतालमै राखिएको र व्यवस्थापन नेपाली सेनाको टोलीले गर्ने अस्पताल स्रोतले जानकारी दिएको छ ।
