कैलाली, असार २० । कैलाली जिल्लाकोे गोदावरी नगरपालिका-१० मा होम क्वारेन्टिनमा बसेकी १ जना महिलाको मृत्यु भएको छ । हिजो राति स्वास्थ्यमा समस्या आएपछि उनको मृत्यु भएको वडा नम्बर १० का अध्यक्ष रवीन्द्र शाहीले बताएका छन् ।
जेठ २६ गते भारतबाट फर्केकी ४८ वर्षीया ती महिला वडा अध्यक्षको निगरानीमा होम क्वारेन्टिनमा बस्दै आएकी थिइन् । प्यारालाइसिस र रक्तचापको समस्या उनमा पहिलेदेखि भएको परिवारले बताएको छ ।
उनको कोरोना परीक्षणका लगि स्वाब नमूना संकलन गरी धनगढी पठाइएको छ । रिपोर्ट आएपछि शव व्यवस्थापन गरिने शाहीले बताएका छन् ।
