मंसीर २२, इटहरी । सुनसरी जिल्लाको इटहरी बजारको मुख्य चौकमा रहेको सूर्य कम्प्लेक्समा भिषण आगलागी भएको छ । सूर्य कम्प्लेक्स स्थित हाेटल बिगबारबाट राति १ बजेबाट सुरू भएकाे आगो बिहान करिब ४ बजे नियन्त्रणमा लिइएको इलाका प्रहरी कार्यालय इटहरीले जनाएको छ ।
आगोबाट हाेटल बिगबार पूर्ण रूपमा जलेर नष्ट भएकाे छ भने तल्लाे तलामा रहेकाे ग्लोबल आइएमइ बैंक समेत असुरक्षित रहेकाे छ । आगो नियन्त्रणका लागि इटहरी, विराटनगर, धरान, इनरुवा, सुन्दर हरैचा लगायत स्थानका नौवटा दमकल प्रयोग गरिएको थियो । चाैथाे तलामाथि लागेको आगो निभाउन दमकल र सुरक्षाकर्मीलाई मुस्किल भएको बताइएको छ । आगलागीको कारण सहितको विस्तृत विवरण आउन बाँकी छ ।
