२७ वैशाख, काठमाडौं । नेपालमा आज कोरोना भाइरस (कोभिड-१९) संक्रमण फेरि थप ५७ जनामा पुष्टि भएको छ । योसँगै नेपालमा कोरोना संक्रमितको संख्या १९१ पुगेको छ । स्वास्थ्य तथा जनसंख्या मन्त्रालयका सह-प्रवक्ता डा. समीर कुमार अधिकारीले एक प्रेस विज्ञप्ति जारी गर्दै सो कुराको जानकारी दिएका हुन् ।
स्वास्थ्य मन्त्रालयले आज दिउसो अध्यावधिक गरेको तथ्यांक अनुसार नेपालमा कोरोना संक्रमितको संख्या १९१ पुगेको छ । राष्ट्रिय जनस्वास्थ्य प्रयोगशाला, काठमाडौँको टेकुमा गरिएको परीक्षणमा थप ५७ जनामा संक्रमण पुष्टि भएको हो । संक्रमितहरु सवै पुरुषहरु हुन् ।
संक्रमितहरुमा कपिलवस्तु जिल्लाका ८ जना, रुपन्देही जिल्लाका ९ जना, पर्सा जिल्लाका ३९ जना र बारा जिल्लाका १ जना छन् । मन्त्रालयका सहप्रवक्ता डा. अधिकारीका अनुसार हालसम्म प्राप्त विवरण अनुसार निजको स्वास्थ्य सामान्य छ र स्वास्थ्यकर्मीको सम्पर्कमा रहेको समेत जानकारी दिएका छन् ।
यसअघि १३ जनामा कोरोना भाइरसको संक्रमण देखिएर नेपालमा संक्रमितको संख्या १३४ पुगेको थियो । हालसम्म देशभर कोरोना निको हुनेको संख्या ३३ जना रहेकाे छ । आज फेरि कोरोनाका नयाँ ५७ संक्रमित थपिएर नेपालमा देशभर संक्रमितको संख्या १९१ पुगेको हो ।
यो पनि पढ्नुहोस्
नेपालमा संक्रमितको संख्या १३४ पुग्यो, फेरि थपिए कोरोनाका १३ संक्रमित
नेपालमा संक्रमितको संख्या १२१ पुग्यो, आज फेरि सप्तरीमा थपिए कोरोनाका १ संक्रमित
