काठमाडौँ । पछिल्लो २४ घण्टामा काठमाडौं उपत्यकामा विभिन्न प्रयोगशालमा गरिएको परीक्षणमा आज २९५ जनामा कोरोना भाइरस (कोभिड-१९) संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।
मन्त्रालयका अनुसार आज काठमाडौं जिल्लामा २४२ जना, ललितपुर जिल्लामा ३६ जना र भक्तपुर जिल्लामा १७ जनामा कोरोना संक्रमण देखिएको छ । काठमाडौं उपत्यकामा हिजो २१६ जनामा कोरोना संक्रमण पुष्टि भएको थियो । काठमाडौँ उपत्यकामा हिजो भन्दा आज कोरोना संक्रमण बढेको छ ।
उपत्यकाका तीन जिल्लामध्ये हाल काठमाडौँमा १९७६, ललितपुर ३४१ र भक्तपुरमा १०२ सक्रिय सङ्क्रमित रहेको मन्त्रालयले जनाएको छ । योसँगै काठमाडौँ उपत्यकामा सक्रिय संक्रमितको संख्या २४१९ पुगेको छ ।
