चितवन, असोज १६। चितवन जिल्लामा थप ६८ जनामा कोरोना भाइरस (कोभिड-१९) संक्रमण पुष्टि भएको छ । चितवन मेडिकल कलेजको ल्यावमा गरिएको परीक्षणमा चितवनका ५५ जनासहित थप ६८ जनामा संक्रमण पुष्टि भएको हो ।
चितवन मेडिकल कलेजको ल्यावमा असोज १६ गते २८१ वटा नमुनाहरुको पिसिआर परीक्षणको क्रममा ६८ वटा नमुनाको नतिजा पोजेटिभ र २१३ वटा नमुनाको नतिजा नेगेटिभ रहेको चितवन मेडिकल कलेजले जानकारी दिएको छ ।
कोरोना संक्रमण देखिएकाहरुमध्ये चितवनका ५५ जना, नवलपुरका ६ जना, मकवानपुरका २ जना, गोरखा, तनहुँ, धनुषा, रुपन्देही र सुर्खेतका १/१ जना गरी ५ जना रहेका छन् ।
