चितवन, भदौ २६ । चितवन जिल्लामा थप २४ जनामा कोरोना भाइरस (कोभिड-१९) संक्रमण पुष्टि भएको छ । चितवन मेडिकल कलेजको ल्यावमा गरिएको परीक्षणमा चितवनका ११ जनासहित थप २४ जनामा संक्रमण पुष्टि भएको हो ।
चितवन मेडिकल कलेजको ल्यावमा भदौ २६ गते १८६ वटा नमुनाहरुको पिसिआर परीक्षणको क्रममा २४ वटा नमुनाको नतिजा पोजेटिभ र १६२ वटा नमुनाको नतिजा नेगेटिभ रहेको चितवन मेडिकल कलेजले जानकारी दिएको छ ।
कोरोना संक्रमण पुष्टि हुनेहरुमा चितवनका ११ र १३ जना अन्य जिल्लाका रहेका छन् । कोरोना संक्रमितमध्ये भरतपुर महानगरपालिकाका ९ जना र रत्ननगर नगरपालिकाका २ जना रहेका छन् ।
साथै पूर्व नवलपरासी गैंडाकोट नगरपालिकाका ६ जना, हुप्सिकोटका १ जना र मध्यबिन्दु नगरपालिकाका १ जना, बाँकेको नेपालगन्जका १ जना, काठमाडौँको शंकारापुरका १ जना, रुपन्देहीको देवदहका १ जना, तनहुँको भानु नगरपालिकाका १ जना र लम्जुङको बेसीशहरका १ जनामा कोरोना संक्रमण पुष्टि भएको छ ।
यो पनि पढ्नुहोस्
