काठमाडौँ, भदौ ११ । नेपालमा पछिल्लो २४ घण्टामा ५६९ जनाले कोरोना भाइरस (कोभिड-१९) जितेसंगै नेपालमा कोरोना भाइरस जित्नेको संख्या २००७३ पुगेको छ । स्वास्थ्य तथा जनसंख्या मन्त्रालयको नियमित पत्रकार ब्रिफिंगमा प्रवक्ता प्रा. डा. जागेश्वर गौतमले सो कुराको जानकारी दिएका हुन् ।
काठमाडौं उपत्यकामा आज अहिलेसम्मकै उच्च ३७७ जनामा कोरोना संक्रमण पुष्टि भएको छ । मन्त्रालयका प्रवक्ता डा. गौतमका अनुसार आज काठमाडौं जिल्लाका २७० जना, ललितपुर जिल्लाका ६६ जना र भक्तपुर जिल्लाका ४१ जनामा कोरोना संक्रमण देखिएको छ ।
नेपालमा आज कोरोना संक्रमण नयाँ ११११ जनामा पुष्टि भएसँगै नेपालमा कोरोना संक्रमितको संख्या ३५५२९ पुगेको छ । नेपालमा कोरोना संक्रमणबाट थप ८ जनाको मृत्यु भएको पुष्टि भएसंगै नेपालमा कोरोना संक्रमणबाट मृत्यु हुनेको संख्या १८३ पुगेको पुष्टि भएको छ ।
यो पनि पढ्नुहोस्
नेपालमा कोरोना जित्नेको संख्या १९५०४ पुग्यो, थप ३८५ जना घर फर्किए
