सुर्खेत, भदौ ६ । कर्णाली प्रदेशमा आज दिउसो १५ जनामा कोरोना भाइरस (कोभिड-१९) को संक्रमण पुष्टि भएको छ । योसंगै कर्णाली प्रदेशमा कोरोना संक्रमितको संख्या २२४० जना पुगेको छ । कर्णाली प्रदेश सामाजिक विकास मन्त्रालयको जनस्वास्थ्य शाखा प्रमुख तथा स्वास्थ्य शिक्षा अधिकृत नवराज कँडेलले आज दिउसो एक प्रेस बिज्ञप्ति जारी गर्दै सो कुराको जानकारी दिएका हुन् ।
सुर्खेतस्थित प्रदेश अस्पताल र पशुपन्छी रोग अन्वेषण प्रयोगशाला, कर्णाली स्वास्थ्य विज्ञान प्रतिष्ठान जुम्ला, दैलेख अस्पताल, दैलेख र चौरजहारी नगरपालिका पिसिआर प्रयोगशाला, रुकुम पश्चिममा गरिएको परीक्षणबाट थप १५ जनामा कोरोना संक्रमण पुष्टि भएको हो ।
आज कोरोना संक्रमण पुष्टि हुनेहरुमा सुर्खेतका २ जना, नवलपरासी सुस्ता पूर्व १ जना, बाँकेका १ जना, जुम्लाका २ जना, बर्दियाका १ जना, दैलेखका २ जना र रुकुम पर्श्चिमका ६ जना रहेका छन् ।
पछिल्लो २४ घण्टामा कर्णाली प्रदेशमा कोभिड-१९ संक्रमणवाट निको भई २४ जना डिस्चार्ज भएका छन् । हालसम्म डिस्चार्ज हुनेको संख्या १९६९ पुगेको छ भने ६ जनाको कोरोना संक्रमणवाट मृत्यु भएको स्वास्थ्य सेवा महाशाखाले जनाएको छ । कर्णाली प्रदेशमा हाल २६५ जना सक्रिय संक्रमित आइसोलेसनमा रहेका छन् ।
यो पनि पढ्नुहोस्
कर्णाली प्रदेशमा थप ६२ जनामा कोरोना पुष्टि, संक्रमितको संख्या २२२५ पुग्यो
