नेपालगञ्ज, साउन ९ । भेरी अस्पताल नेपालगञ्जमा गरिएको परीक्षणमा ४ जनामा कोरोना भाइरस (कोभिड-१९) संक्रमण पुष्टि भएको छ । गत २४ घण्टामा २४० नमुनाको पिसिआर परीक्षण गर्दा ४ जनामा कोरोना देखिएको हो ।
अस्पतालले आज एक विज्ञप्ति सार्वजनिक गर्दै थप ४ जनामा कोरोना संक्रमण पुष्टि भएको जानकारी दिएको हो । नयाँ थपिएका संक्रमितहरुमध्ये बाँकेका २ जना, बर्दियाका १ जना र दाङका १ जना रहेका छन् । उनीहरु ४ जना पुरुषहरु रहेका छन् ।
