नेपालगञ्ज, श्रावण ६ । भेरी अस्पताल नेपालगञ्जमा गरिएको परीक्षणमा ६ जनामा कोरोना भाइरस (कोभिड-१९) संक्रमण पुष्टि भएको छ । गत २४ घण्टामा ५०० नमुनाको पिसिआर परीक्षण गर्दा ६ जनामा कोरोना देखिएको हो ।
अस्पतालले आज एक विज्ञप्ति सार्वजनिक गर्दै थप ६ जनामा कोरोना संक्रमण पुष्टि भएको जानकारी दिएको हो । नयाँ थपिएका संक्रमितहरुमध्ये दाङका ३ जना र बाँकेका ३ जना रहेका छन् । उनीहरु ६ जना पुरुषहरु रहेका छन् ।
भेरी अस्पतालमा बिगत २४ घण्टामा प्राप्त भएका नमुनामघ्ये ५०० वटा नमुनाहरुको पिसिआर परीक्षणको क्रममा ६ वटा नमूनाको नतिजा पोजेटिभ र ४९४ वटा नमुनाको नतिजा नेगेटिभ रहेको भेरी अस्पतालले जानकारी दिएको छ ।
