बागलुङ , असार २४ । बागलुङ जिल्लाका ५२ जनाले कोरोना भाइरस (कोभिड-१९) जितेर आज घर फर्किएका छन् । जिल्ला स्वास्थ्य कार्यालय बागलुङका अनुसार आज धौलागिरी बहुमुखी क्याम्पसबाट ७ जना, बुर्तिवाङ प्राथमिक स्वास्थ्य केन्द्रबाट १४ जना, निसी भुजी जनता क्याम्पसबाट १७ जना, धौलागिरी बहिरा आवासीय माध्यमिक विद्यालयबाट १४ गरी ५२ जनाको पिसिआर रिपोर्ट नेगेटिभ आएको हुँदा उनीहरु डिस्चार्ज भएका हुन् ।
योसँगै बागलुङ जिल्लामा जम्मा २१० जना कोरोना संक्रमितहरुमध्ये १६७ जनाले कोरोना भाइरसलाई जितेर निको भएर डिस्चार्ज भई घर फर्केका छन् भने ४२ जनालाई जिल्लाका विभिन्न आइसोलेसनमा रहेका छन् ।
