१३ जेठ, काठमाडौँ । हिजो ४३ जना उपचारपछि निको भएर डिस्चार्ज भई घर फर्किएसंगै नेपालमा कोरोना भाइरस (कोभिड-१९) जित्नेको संख्या १५५ पुगेको छ । स्वास्थ्य तथा जनसङ्ख्या मन्त्रालयको नियमित पत्रकार सम्मेलनमा प्रवक्ता डा. विकास देवकोटाले सो कुराको जानकारी गराएका छन् ।
पर्साको वीरगञ्जस्थित नारायणी अस्पतालमा उपचाररत थप ४३ जना कोरोना भाइरस (कोभिड-१९) संक्रमित हिजो सोमबार निको भई डिस्चार्ज भएका थिए । हिजो उक्त अस्पतालको आइसोलेसन वार्डबाट डिस्चार्ज हुनेमा २ जना पत्रकारसहित ४१ जना पुरुषहरु र २ जना महिलाहरु रहेका छन् । जस अनुसार ४२ जना पर्सा र १ जना सर्लाही जिल्लाका हुन् ।
संक्रमितको पछिल्लो २ वटा पीसीआर परीक्षण गर्दा रिर्पोट नेगेटिभ आएपछि उनीहरुलाई डिस्चार्ज गरिएको हो । ४३ जनाको डिस्चार्ज गरिएसँग नारायणी अस्पतालको आइसोलेसनमा अब १ जना पनि कोरोना संक्रमित छैनन् । आज सोमबार ४३ जना डिस्चार्ज भएसँगै नारायणी अस्पतालमा अब कोरोना संक्रमित छैनन् ।
नारायणी अस्पतालको आइसोलेसन वार्डबाट आइतबार राति करीव ११ बजे वीरगन्ज छपकैयाका एकै परिवारका १८ जना संक्रमित निको भएर डिस्चार्ज भएका थिए भने शनिबार ९ जना डिस्चार्ज भएका थिए । पछिल्लो ३ दिनमा नारायणी अस्पतालको आइसोलेसन वार्डका ७० जना कोरोना संक्रमित निको भएर घर फर्किएका छन् ।
नेपालमा कोरोना संक्रमितको संख्या ७७२ पुगेको छ । हिजो ४३ जना नारायणी अस्पतालवाट डिस्चार्ज भएसंगै नेपालमा कोरोनालाई जितेर अस्पतालवाट डिस्चार्ज भई घर फर्किनेको संख्या १५५ पुगेको हो । नेपालमा अहिलेसम्म सिन्धुपाल्चोकमा १ जना र बाँकेमा १ जना र गुल्मीको १ जना, बाराको १ जना गरी ४ जनाको मृत्यु भएको छ ।
यो पनि पढ्नुहोस्
नेपालमा संक्रमितको संख्या ७७२ पुग्यो, आज थपिए कोरोनाका नयाँ ९० संक्रमित
नारायणी अस्पतालमा उपचाररत थप ४३ जना कोरोना संक्रमित आज घर फर्किए
