भाङद्वारा हाइड्रोसिलको सफल उपचार (Successful Treatment of Hydroxyl by Cannabis Indica) ! अण्डकोषमा पानी भरिने समस्यालाई मेडिकल भाषामा हाइड्रोसिल भनिन्छ । कसै-कसैलाई यसले लामो समय दु:ख दिने गरेको हुन्छ । लाज, शरमको कारण यस्ता अंगमा लागेको रोग लुकाएर राख्दा वा उपचार पद्धतिबारे थाहा नहुँदा दु:खको सामना गर्नुपर्ने भएको छ ।
हर्निया नभएको अवस्थामा पनि हाइड्रोसिल हुन सक्छ । कतिपय अवस्थामा भने हर्नियाको कारणले पनि हाइड्रोसिल हुने गरेको देखिन्छ । अफ्रिका र दक्षिण पूर्वी एशियामा धेरै पाइने जीवाणु उचेरेरिया तथा ब्रुगिया मलायी (लामखुट्टेजन्य परजीवी) को जीर्ण संक्रमणका कारण हुने हात्तीपाइले रोगको एक अंशको रूपमा पनि लिइन्छ, हाइड्रोसिललाई ।
लिम्फ्याटिक प्रणालीमा अवरोध गर्दा हाइड्रोसिल बन्ने मानिएको छ । विना कारण हुने हाइड्रोसिलको सुजन नरम, पीडारहित र ठूलो आकारको हुन्छ । यस्तो हाइड्रोसिल बढ्दै जाँदा अण्डकोष छाम्दा भेट्टाउन गाह्रो हुनसक्छ । आकार र तौलका कारण असहज हुने बाहेक दुखाइ नहुने हुनाले यसलाई गम्भीरतापूर्वक लिइँदैन।
सानै उमेरमा देखिएको हाइड्रोसिल आफैं निको हुन्छ । एक वर्ष वा सोभन्दा पछिसम्म रह्यो भने चाहिं शल्यक्रिया गरेर हटाउनुपर्छ । जेबाउले नामको अपरेशनमा अण्डकोषको थैलीमा सानो घाउ बनाएर त्यसमा भएको तरल पदार्थ निकालेर अण्डकोष वरिपरिको झ्लिल्ली उल्ट्याएर सिलाइन्छ । तर हाम्रो क्लिनिकमा यस्तो समस्या देखिएमा जडिबुटीबाट उपचार हुने गरेको छ ।
विगत लामो समयदेखि हामीले स-साना बच्चाहरूको यस्ता समस्याका उपचार गर्दै आएका छौं । यस्ता समस्या देखिएमा ९८६७०४०२९८ मा समपर्क राखेर जानकारी लिन सक्नुहुन्छ । आज भने ठूलाको उपचारमा भाङद्वारा उपचार गर्नेबारे जानकारी पस्कन गइरहेको छु । यो उपचार मेरो बुबाले गर्नु हुन्थ्यो । मैले अक्षरत यहाँ दिएको छु ।
हाइड्रोसिलको उपचार भाङबाट गर्ने तरिका
१. भाङ ल्याएर पिस्नुहोस् । लेप जस्तो बनाएर लगाई दिनुहोस् र लंगोटी लगाई दिनुहोस् क्रमस यो निको हुदै जान्छ । यो उपचारबाट धेरैले फाइदा उठाउनु भएको छ ।
नोट : हाइड्रोसिल हात्तीपाइले रोगको कारणले पनि हुने हुनाले डाक्टरको परामर्श लियर उपचार गराउन सक्नु हुनेछ ।
यो पनि पढनुहोस्
*डा. राम बहादुर बोहरा नेपाल वैकल्पिक चिकित्सा विकास परिषद नवलपरासीको अध्यक्ष, बरिष्ट आयुर्वेद डाक्टर, साइन्स इन्फोटेकका सल्लाहकार तथा नेपालपत्रको स्वास्थ्य स्तम्भकार हुनुहुन्छ ।
