२७ जेठ, काठमाडौँ । नेपालमा पछिल्लो २४ घण्टामा ९६ जनाले कोरोना भाइरस (कोभिड-१९) जितेसंगै नेपालमा कोरोना भाइरस जित्नेको संख्या ५८४ पुगेको छ । स्वास्थ्य तथा जनसङ्ख्या मन्त्रालयको नियमित पत्रकार ब्रिफिंगमा डा. डा. जागेश्वर गौतमले सो कुराको जानकारी गराएका छन् ।
मन्त्रालयका प्रवक्ता डा. गौतमका अनुसार निको हुने ५८४ जनामा ५०७ जना पुरुषहरु र ७७ जना महिलाहरु रहेका छन् । मंगलवार डिस्चार्ज हुने ९६ जनामा ८ जना महिला र ८८ जना पुरुषहरु रहेका छन् । जनकपुरमा आज कोरोना संक्रमण जितेर घर फर्कनेको संख्या ३० रहेको छ । उनीहरु धनुषाका ६ जना महिलाहरु र २४ जना पुरुषहरु रहेका छन् ।
मन्त्रालयका प्रवक्ता डा. गौतमका अनुसार बलम्बु अस्पताल काठमाडौंबाट थप १ जना महिला निको भएर अस्पतालबाट डिस्चार्ज भएका छन् । साथै बाँकेमा थप २२ जना पुरुषहरुले कोरोना संक्रमण जितेका छन् । त्यसैगरी रात्ती आइसोलेशनबाट बाँकेका ७ जना पुरुषहरु कोरोना संक्रमण जितेर घर फर्केका छन् ।
मन्त्रालयका अनुसार धरानबाट झापाका २८ जना पुरुषहरु डिस्चार्ज भएका छन् । यसका साथै दाङबाट बर्दियाका ४ जना पुरुषहरु डिस्चार्ज भएका छन् । त्यस्तै दैलेखमा १ जना महिलाले कोरोना संक्रमण जितेकी छिन् । योसँगै नेपालमा कोरोना संक्रमण निको भएर घर फर्किनेको संख्या ५८४ पुगेको हो ।
नेपालमा आज कोरोना भाइरस (कोभिड-१९) संक्रमण नयाँ ३२३ जनामा पुष्टि भएको छ । योसँगै नेपालमा कोरोना संक्रमितको संख्या ४०८५ पुगेको छ । आज ३२३ कोरोना संक्रमितहरुमध्ये २९२ जना पुरुषहरु र ३१ जना महिलाहरु रहेका छन् । नेपालमा अहिलेसम्म ४०८५ कोरोना संक्रमितहरुमध्ये ३७९८ जना पुरुषहरु र २८७ जना महिलाहरु रहेका छन् । नेपालमा ७२ जिल्लामा कोरोना संक्रमण फैलिसकेको छ ।
नेपालमा सिन्धुपाल्चोकमा १ जना, बाँकेमा १ जना, गुल्मीमा १ जना, बारामा १ जना, ललितपुरमा १ जना, अर्घाखाँचीका १ जना, दैलेखका १ जना, बाजुराका १ जना, दोलखाका १ जना, पाल्पाका १ जना, सुर्खेतका १ जना, डोल्पाका १ जना, कैलालीका १ जना, स्याङ्जाका १ जना र चितवनका १ जना गरी १५ जनाको कोरोना संक्रमणबाट मृत्यु भईसकेको छ ।
यो पनि पढ्नुहोस्
नेपालमा संक्रमितको संख्या ४०८५ पुग्यो, आज थपिए कोरोनाका नयाँ ३२३ संक्रमित
