काठमाडौं । गायिका आनीछोइङ डोल्मालाई कोरोना भाइरस (कोभिड-१९) संक्रमण पुष्टि भएको छ । उनले सामाजिक संजाल फेसबुकमार्फत आफू कोरोना संक्रमित भएको र अहिले होम आइसोलेसनमा रहेको जानकारी दिएकी छिन् ।
यद्यपि उनले आफूलाई मध्यम खालको कोरोनाको लक्षण देखिएको र स्वास्थ्य लाभ गरिरहेको समेत जानकारी दिएकी छन् । फेसबुकमा तातोपानीको बाफ लिँदै गरेको तस्बिर सेयर गर्दै उनले सबैलाई सतर्कता अपनाउन समेत आग्रह गरेकी छन् ।
पछिल्लो समय कलाकारहरुमा कोरोना संक्रमण देखिने क्रम बढिरहेको छ । यसअघि गत मंगलबार मात्र अभिनेत्री श्वेता खड्कालाई कोरोना संक्रमण पुष्टि भएको थियो । उनले पनि सामाजिक संजाल फेसबुकमार्फत श्वेताले आफूलाई कोरोना संक्रमण भएको जानकारी दिएकी थिइन् ।
यो पनि पढ्नुहोस्
