काठमाडौं । कोरोना भाइरसको संक्रमणको जोखिमलाई ख्याल गरेर यस पटक कक्षा १२ को परीक्षा होम सेन्टरबाटै हुने भएको छ । यस पटक होमसेन्टरबाटै परीक्षा लिने तय भएको स्रोतले बतायो ।
स्रोतका अनुसार कक्षा १० को आन्तरिक मूल्यांकनबाट नतिजा निकाल्ने तयारी भएको तर १२ को भने आन्तरिक मूल्यांकनबाट नभइ भौतिक उपस्थितिमै परीक्षा लिनुपर्ने सुझाव आएकोले होम सेन्टरबाट परीक्षा लिन लागेको हो ।
स्रोतका अनुसार कक्षा १२ का २८ भन्दा कम विद्यार्थी भएका एक हजार विद्यालय छन्, ५० भन्दा कम विद्यार्थी भएका दुई हजार ३००, एक सयभन्दा कम विद्यार्थी भएका तीन हजार ४०० र ५०० भन्दा बढी विद्यार्थी भएका विद्यालय ८९ वटा छन ।
