काठमाडौँ । कृषि विकास बैंकले गत वर्षको नाफाबाट सेयरधनीहरूलाई लाभांश दिने घोषणा गरेको छ।
बैंकको आज (बिहीबार) बिहान बसेको सञ्चालक समितिको बैठकले ३ प्रतिशत बोनस सेयर र ७.५३ प्रतिशत नगद (कर कर समेत) गरी कुल १०.५३ लाभांश दिने निर्णय गरेको हो।
बैंकले नेपाल सरकारको अग्राधिकार सेयरमा पनि ६ प्रतिशत नगद लाभांश दिने भएको छ। प्रस्तावित लाभांश नेपाल राष्ट्र बैंक स्वीकृतिपछि बैंकको आगामी साधारण सभाले पारित गरेपछि सेयरधनीहरूले पाउनेछन्।
गत वर्ष भने यस बैंकले २ प्रतिशत बोनस र ११ प्रतिशत नगद गरी कुल १३ प्रतिशत लाभांश वितरण गरेको थियो।
