आज अखिल विश्व कोभिड-१९ को महामारीले आक्रान्त भईरहेको छ । चीनको हुवई प्रान्तको बुहान सहरमा सन् २०१९ को उतरार्धमा कोरोना भाईरसको नवीन प्रजातीको कारणले यो महामारी फैलिएको हो । आज यस महामारीबाट कुनै पनि देश अछुतो छैन । अत्यन्त तिब्र गतीमा फैलनसक्ने क्षमताको यस रोगले हाल सम्म ३०,००००० (तीस लाख ) जन सामान्यलाई आक्रान्त पारेको यस रोगले २ लाख ७ हजार मान्छेलाई मृत्युशैयामा सुताईसकेको छ भने यो रोग लागेका ८ लाख ४० हजार मान्छेहरू यस रोगलाई जीतेर घर फर्किसकेका छन ।
विश्व स्वास्थ्य संगठनले दर्शाय अनुरूप यो रोग लागेर ज्यान गुमाउनेहरू मध्ये अधिकांशको स्वास्थ्य स्थिति ठिक नरहेको वा कुनै न कुनै दीर्घरोगले ग्रसित रहेको, प्रतिरक्षा प्रणाली अत्यन्त नाजुक रहेको र जीवनशैली अत्यन्त गडबड रहेको पाईएको छ तर सवल स्वास्थ्य स्थिति रहेकाहरूलाई भने यो रोगले त्यति विध्न ग्रस्त पारेको र ज्यान लिईहालेको छैन । यसर्थ आजको परिपेक्षमा कोभिड-१९ को संक्रमणबाट जोगिन एवं यसको रोकथाम एवं बचाऊको लागि सबैभन्दा भरपर्दो उपाय भनेको आफ्नो जीवनी शक्ति वा प्रतिरक्षा प्रणालीलाई सबल पार्नु हो।
हामीमध्ये धेरैलाई प्रतिरक्षा प्रणाली कसरी सबल वा दुर्बल हुन्छ भनेर थाह छैन । प्रतिरक्षा प्रणालीलाई सबल पार्ने कि दुर्बल पार्ने भन्ने विषय हाम्रै हातमा छ । प्रतिरक्षा प्रणाली लाई सबल बनाउन सन्तुलित भोजन, उचित व्यायाम, समुचित विश्राम, सकरात्मक विचार र सदाचारयूक्त व्यावहारको आवश्यकता पर्दछ भने यसको ठिक विपरित हाम्रो आनिबानी र जीवनशैली गडबड छ, खाना प्राकृतिक छैन्, व्यायाम गर्ने बानी छैन, चेत र चिन्तन घटिया छ भने हाम्रो प्रतिरक्षा प्रणाली पनि कमजोर हुन सक्छ । आज म तपाईहरूलाई के गर्दा हाम्रो प्रतिरक्षा प्रणली कमजोर हुन्छ वा कस्ता आनीबानी एवं जीवनशैलीले प्रतिरक्षा प्रणालीलाई कमजोर बनाईरहेको हुन्छ भन्ने विषयमा बताउन गईरहेको छु ।
प्रतिरक्षा प्रणालीलाई आघात पुर्याउने आनीबानीहरू
१. राती नसुत्ने
प्रतिरक्षा प्रणालीलाई सबल बनाउन चाहने हरूले निन्द्रा कहिले पनि माया मार्नु हुदैन । त्यसमा पनि राती ९ः०० बजे देखि बिहान ५ः०० बजेको बिचको निन्द्रालाई त कदापि कचमचिन दिनु हुदैन । अनुशंधानहरूले दर्शाय अनुरूप राती राम्रोसंग नसुत्ने हरूको रगतमा प्रतिरक्षा कोषहरूको संख्या कम भएको र रक्षात्मक साईटोकाईन्सको उत्सर्जन पनि राम्रो संग नभएको पाईएको छ ।
२. चिनीको सेवन
हामीले मिठो मानी मानी खानेगरेको चिनी वा चिनी हालीएका खानेकुराहरू स्वास्थ्यकालागि अत्यन्त हानीकारक हुन भन्ने विषय धेरैलाई थाह नहुन सक्छ तर वास्तविकता बुझ्दा चिनी हाम्रो लागि मिठो विष हो । चिनीले प्रतिरक्षा प्रणालीका कोषहरूको किटाणु मार्ने क्षमता लाई दुर्बल गराई दिन्छ । यसरी दुर्बल हुनुमा यी कोषहरूलाई यथोचित कार्य गर्नका लागि आवश्यक भिटामिन सी लागाएतका रसायन हरूलाई चिनीले कोषभित्र जान दिदैन फलतः यी कोषहरूको कार्यक्षमता घट्दछ । चिनी यदि चिया, कफी, कोका, सोडा जस्ता पेयको साथमा लिईएको हो भने यी रसायनहरूले प्रतिरक्षा प्रणालीमा अझ धेरै आघात पु¥याउदछ । यसो हुनुको पछाडी चिया, कफी, कोका, सोडामा विद्यमान तत्वहरूले स्नायू तन्त्रलाई लठ्याएर धरैमात्रामा कर्टीसोल उत्सर्जन गर्दछ जसले प्रतिरक्षा प्रणालीलाई कमजोर पार्दछ ।
३. रक्सी सेवन
प्रतिरक्षा प्रणालीलाई दुर्बल बनाउने महत्वपूर्ण द्रव्य रक्सी पनि हो । रक्सीले शरीरमा प्रतिरक्षक कोषहरूको उत्पादनलाई असर पुर्याउनुका साथै रगत, रक्तनली, नशा, नाडी, मुटु, कलेजो आन्द्रा आदिलाई पनि आघात पुर्याउदछ । यसका अतिरिक्त रक्सीले हाम्रो शरीरमा जलीय माध्यममा हुने अनेकौ जैव रासायनिक प्रतिक्रियाहरूलाई रोकीदिने र चुस्त प्रतिरक्षा क्रियाकालागि चाहिने रसायनको शंष्लेषणलाई समेत प्रभाव पार्दछ ।
४. धूमपान
धूमपानका धेरै बेफाईदाका बारेमा धेर थोर सबैलाई थाहा छ तर यसले प्रतिरक्षा प्रणालीलाई पार्ने असरका बारेमा धेरैलाई थाह नहुन सक्दछ । धूमपान गर्दा धूवामा विद्यमान अनेकौ हानीकारक तत्वहरूले प्रतिरक्षक कोषहरूको कार्यकुसलता कम गरिदिने, कोषहरूमा विद्यमान एण्टीअक्सिडेण्टको गतिविध निरस्त गरिदिने, धरै भन्दा धेरै फ्रि-रेडिकलहरूको उत्पादन गराई दिने र ती कोषहरूको डी.एन.ए. समेत ड्यामेज गरिदिने गर्दछ । कमजोर प्रतिरक्षा भएकै कारण कोभिड-१९ धूमपान कर्ताहरूमा भयाबह बन्ने गरेको छ ।
५ तनाव
मानसिक तनाव पनि प्रतिरक्षा प्र्रणालीको दुस्मन हो । तनावको स्थितिमा प्रतिरक्षा प्रणाली कमजोर हुनुमा तनाव हारमोन कर्टिसोल र एड्रिनालीन जिम्मेवार छ । शरीरमा कर्टिसोल र एड्रिनालीनको मात्रा ज्यादा भएको खण्डमा यी हारमोनले प्रतिरक्षाका कोषहरूलाई निष्क्रिय पार्ने एवं यी कोषहरूको किटाणु पहिचान क्षमतालाई समेत निष्तेज पारिदिन्छ ।
६. घटिया खाना
सबल प्रतिरक्षा प्रणालीको लागि संतुलित, प्रकृतिक एवं पौष्टिक खानाको ठूलो महत्व छ । खानाको गुणस्तर खस्किदा प्रतिरक्षा प्रणालीको कार्यक्षमता पनि खस्किन्छ । त्यसमा पनि जंङ्कफुड, रिफाईण्ड फुड र मिलावटी खानेकुरा हरूको सेवनले प्रतिरक्षा प्रणालीलाई बेस्सरी आघात पुर्याउदछ । यी खानेकुराहरूमा प्रचूर मात्रामा स्याचूरेटेड फ्याट, प्रशोधित चिनी, चाहिने भन्दा उच्च मात्रामा नुन, स्वाद बर्धक रसायन, अजीनोमोटो जस्ता प्रीजरभेटिभ हालीएको हुदाँँ यी रसायनहरूले प्रतिरक्षा प्रणालीलाई असर पुर्याउदछ फलतः घाउ-खटिरा ढिलो निको नहुने, ईन्फ्लामेशन भईरहने, क्यानसरको जोखिम बढ्ने, मुटु तथा रक्तनलीका रोगहरू लाग्ने, एलार्जीले सताईरहने र प्रतिरक्षा प्रणाली आत्मघाती समेत हुने गर्दछ ।
७. पर्याप्त पानी नपिउने
शरीरमा हुने अनेकौ जैव रसायनिक क्रियाहरूलाई जलीय माध्यम चाहिन्छ र यो माध्यम दिईरहनका लागि पर्याप्त मात्रामा पानीको सेवन गरिरहनु पर्ने हुन्छ । शरीरमा पानी कमहुदाँ फ्री रेडकलहरूको अत्याधिक उत्पादन भई कोषहरूले अक्सिडेटिभ स्ट्रेस झेल्नु पर्दछ । विभिन्न अनुशंधानहरूले दर्शाय अनुरूप प्रतिरक्षा प्रणालीका कोषहरूलाई यथोचित कार्य गर्नका लागि उर्जा भन्दा पनि पानीको पहिलो आवश्यकता रहन्छ ।
८. व्यायाम नगर्ने
निष्क्रिय जीवनले प्रतिरक्षा प्रणालीलाई समेत निष्क्रिय पारिदिन्छ । व्यायाम र कसरतको माध्यमले जीवनलाई सक्रिय राख्दा तनाव कमहुने एवं सेता रक्तकोषहरूको उत्पादन लाई समेत बढाउदछ । यसका अलावा व्यायाम एवं कसरतले विजातिय द्रव्यहरूको निष्कासनलाई समेत बढाउने हुदा शरीरमा हानीकारक ब्याक्टेरिया एवं भाईरसको बृद्घि एवं बर्धन हुन दिदैन । यसर्थ व्यायाम हाम्रो प्रति रक्षा प्रणालीको लागि अत्यन्त राम्रो आदत हो तर व्यायाम गर्ने नाममा कठिन प्रकारको व्यायाम गर्दा भने प्रतिरक्षा प्रणालीलाई असर पार्दछ ।
९. औषधिको सेवन
रासायनिक औषधिहरूको दीर्घकालिन प्रयोगले पनि प्रतिरक्षा प्रणालीलाई कमजोर बनाई रहेको हुन्छ । त्यसमा पनि केही औषधिहरू जस्तै अत्मघाती प्रतिरक्षा प्रणाली जन्य रोगहरूका औषधि, किमोथेरापिका औषधि, स्टेरोईडहरू आदिले त प्रतिरक्षा प्रणालीलाई प्रत्यक्ष दमन गर्ने हुदा औषधिको प्रयोगमा पनि विशेष ध्यान पुर्याउनुपर्ने हुन्छ ।
१०. दीर्घ रोग
स्वास्थ्यमा दीर्घकालिन समस्या भएका जस्तै उच्चरक्तचाप, मधुमेह, दम, खोकी, क्यान्सर, वात-रोग, एच.आई.भी, मृगौला रोग, अत्मघाती प्रतिरक्षा प्रणालीका समस्या झेलिरहेकाहरूको प्रतिरक्षा प्रणाली रोग लागेकै कारणले कमजोर भएको हुन्छ ।
लेखक डा. हेमराज कोइराला भरतपुर महानगरपालिका-१, वागीश्वरी, चितवन स्थित ‘योगी नरहरीनाथ योग तथा प्राकृतिक चिकित्सालयका’ मेडीकल डाइरेक्टर हुन् ।
यो पनि पढ्नुहोस्
भुडी घटाउन चाहनुहुन्छ ? अपनाउनुहोस यी उपायहरू
