शोभा काफ्ले खतिवडा
म हिमाल रोपौ यो छातीमा
म हिमाल रोपौँ मेरो छातीको माझमा !
पाहाडलाई पनि खोपौ शिर अनि माथमा !!
तराईलाई भने म मुटुको माझमा सजाऊँ !
नेपालै यो जगतको राम्रो मुलुक भनि चिनाऔँ !!
हाँसौँ, मिलेर, बसेर हामी सारा नेपाली !
कर्म पोखौँ यो देशलाई युवाहरुको ज्ञान पोखी !!
पत्रकारले लेखोस् हरपल प्रखर साँचो खवर !
उर्जा मिलोस् देश बनाउन बनुन नेपाली अव्वल !!
यो देश वीरहरुको देश भनेर हामी चिनाऔँ !
अग्रजको सल्लाह र सम्मान यो देशमा गरौँ !!
कम्युनिष्ट र काड्ग्रेसको देश भन्दा पनि !
नेपालीको देश भनेर जगतमा धरा चिनाऔँ !!
के छैन सानो र यो हाम्रो सुन्दर पावन भूमिमा !
वौद्दिकता खर्चेर समृद्दि ल्याउन सक्ने धरामा !!
अपूर्व जल धाराको सदुपयोग गरि देश बनाऔँ !
पर्यटनमा फड्को मारी संमृद्दि देशमा ल्याँऊँ !!
पत्रकारले लेखुन रातदिन देश बनाँउने खवर !
विद्वान जनले चलाँउन देशका हितमा कलम !!
सेना पुलिस जनताको एकताको बलले !
यो मुलुक फड्को मारोस् नेपाली पौरखले !!
*शोभा काफ्ले खतिवडा लेखक, साहित्यकार, सामाजिक अभियन्ता हुनुहुन्छ ।
यो पनि पढ्नुहोस्
कविता – हामी नमिले बन्दैन मुलुक
