शोभा काफ्ले खतिवडा
पर्वमय पनि अब बनौ न है हामी !
राष्ट्रका लागि पनि केहि गरी बाँचौँ न अनि !!
स्वाभिमान यो देशको जोगाउनलाई पनि !
एकजुट एकमत बनौ है अव हामी !!
चाड पर्व नि हामी मिलेर मनाउने हो !
कला र संस्कृतिलाई सँधै जोगाउने हो !!
यो हाम्रो राष्ट्रलाई समृद्द पार्नका लागि पनि !
सारा नेपाली मिलेर नै एक जुट हुने हो !!
पर्वको उमड्ग अनि हरेक उल्लासलाई !
सबै मिलेर जतनले जोगाई राख्ने हो !!
कसैलाई पिडा र चोट नपुर्याईकन !
पर्वमय हामी सबै दिदी बहिनी हुने हो !!
घरका हरेकलाई हामीले सम्मान आदर गर्दै !
मायाँ र स्नेहको हरपल वीज असल छर्दै !!
हामीले सबैमा पनि यस्तो असल चेतना छर्ने हो !
नारी शक्ति केवल असल सद्दभावका लागि हो !!
चाहिँदैन है अव हामीलाई पार्टि देशमा कुनै !
नेपालीको एकमत र एकजुट हुने मात्र हो !!
दुई पार्टी भए पुग्छ यो राष्ट्र बनाउन् !
काड्ग्रेस र एमालेले यो देश बनाउने हो !!
यो राष्ट्र समृद्द अनि सुखी बन्दछ है अव पक्कै !
सहयोग र सद्दभावको साथ हाम्रो जुराउने हो !!
कस्ले के नै पो लिएर गए र धन यो धराबाट ?
त्याग,बलिदानको अभिमान बोकी जाने हो !!
कस्ले कति ठुलो सम्मान पाए र यहाँ ?
देश र जनतालाई पोखिएको; त्याग पो लाने हो !!
देशकालागि गरिएको महान योगदान बाहेक !
लान भने हामीले केहि नै नपाइने पो त भो !!
यो देशको हिमाल हाम्रो शिरको शोभा हो !
आकासको चन्द्रझैँ सुन्दर मायाँ गाँस्ने हो !!
घामको उज्यालोले यो राष्ट्रको मुहार लिपेर !
पानीको उर्जा तानी देशमा समृद्दि ल्याउने हो !!
चाड पर्व हाम्रा जीवन बाँच्ने आधार हुन !
यिनलाई हामीले मिलेर मात्रै जोगाउने हो !!
जीवनसाथीको अपूर्व मायाँ र त्यागलाई !
मायालुको मायाँको यस्तो अपूर्व सौगातलाई
जीवन बाँच्ने सुन्दर असल आधार मान्ने हो !!
बाबा र आमा अनि सन्तान र आफन्तको मायाँलाई !
गहना अमूल्य मानेर छातीमा नै भिर्ने हो !!
आफन्त साथी भाइ र ईष्ट मित्रहरुमा !
यो स्वाभिमानी शिरको आदर पठाउँदै !!
हाम्रा पर्वले सबैमा खुशी मात्र छाउन !
राष्ट्र समृद्दिको हामी कामना गर्ने हो !!
सबैमा खुशी र शान्ति मात्र छाओस् भनि !
यो देशमा विकासको लहर आओस् अनि !!
नेपाली हामी,हामीमा असल भाबहरुको !
एउटा एउटा विरुवा यो छातीमा पलाओस् !!
राष्ट्रमा मात्र हैन है अव हरेकको जीवनमा !
मिलेर विकास र समृद्दि ल्याउने हो !!
बाबा र आमा दाजुभाई ईश्वर सित !
मायाँको यहि आशिर्वाद मात्र माग्ने हो !!
*शोभा काफ्ले खतिवडा लेखक, साहित्यकार, सामाजिक अभियन्ता हुनुहुन्छ ।
