न त माया जोख्न लाई तराजुमा मिल्छ हजुर,
न त तोला सुन भन्दै बेच्न लाई मिल्छ हजुर,
माया त हो दुई आत्माको भावना र अनुभूति,
जस्तै गरे पनि मेटन सकिँदैन मेरो हजुर,
न त माया बेच्न मिल्छ न त साटनै मिल्छ हजुर,
न त डमी बनाएर राख्नलाई नै मिल्छ हजुर,
माया त हो तिम्रो मेरो बांच्ने यौटै त्यो सहारा,
जस्तै भए पनि छुट्टै बस्न गारो हुन्छ हजुर,
न त माया सुनको बाला न त माया पाउजु हजुर,
न त मिल्छ मायालाई बनाउन औँठी हजुर,
माया त हो एक अर्काको बांच्ने आधार मुलमन्त्र,
जस्तै भएपनि माया ढुकढुकी हो मेरो हजुर
*धातामणि पोखरेल साहित्यकार हुनुहुन्छ ।
