मनका भाव जति खन्याइ हरपल, साहित्य कर्म गरौँ !
दिलका हर शुभ भावले मनभरी खुशी अनेकौ छरौँ !!१
हिमाली बनका ती पूष्पहरुको सुवास चोरीकन् !
शब्दैमा मनको असलपन भरी पोखौ धरामा मन् !!२
यो साहित्य समाजको सुरिलो वृक्ष पिपलको बनोस् !
हाँगामा यसका ऋचा सगर झैँ वेदका ध्वनी झैँ बसोस् !!३
मेरो देश हिमाल पर्वत जहाँ हिउँमा हिरा फल्दछन् !
पानीका कणमा अमुल्य पनका मोतीहरु फल्दछन् !!४
देशका हर मृत्तिका जीवन्त अति छन, उर्वर बनेका कति !
अन्नैको कणमा छ मानव जीवन प्राणै भरेको जति !!५
युवा शक्ति कति अमुल्य धन हो यो देशलाई बुझ !
देशका यी हर भाग सुरम्य पनले समृद्द देखौँ जव !!६
यो मेरो मनका शुभाशुभ सबै देशको विकास खातिर !
अर्पण गर्न सकौ हरेक तरहका कर्म बनाइ दीपक !!७
घामका दिव्य किरण जसै जगमग पारौँ म यो भूमिलाई !
चन्द्रैका मनका सुवासित किरण रोपौ म यो दिललाई !!८
*शोभा काफ्ले खतिवडा लेखक, साहित्यकार, सामाजिक अभियन्ता हुनुहुन्छ ।
यो पनि पढ्नुहोस्
प्रधानमन्त्रीलाई पत्र – फर्किए देशमा युवा
