काठमाडौं । प्रस्तावित प्रमुख निर्वाचन आयुक्त मानबहादुर कार्कीविरुद्ध मात्रै एउटा उजुरी परेको छ । संसदीय सुनुवाइ समितिमा आज उनीविरुद्ध एउटा उजुरी परेको हो ।
तर प्रस्तावित निर्वाचन आयुक्तद्धय गुरू वाग्ले र डा. राजीव सुब्बाविरूद्ध भने उजुरी परेको छैन । संसदीय सुनुवाइ समितिले असार २५ गते १० दिनको समय दिएर उजुरी आह्वान थियो ।
प्राप्त उजुरी वितरणका निम्ति संसदीय सुनवाइ समितिको बैठक आह्वान गरिएको छ । भोलि मंगलबार बिहान ११ बजे सिंहदरबारस्थित राज्य व्यवस्था तथा सुशासन समितिको हलमा बैठक बस्ने समिति सचिव सावित्रा शर्माले जानकारी दिइन् ।
