![मनुराज शर्मा](https://i0.wp.com/nepalpatra.com/wp-content/uploads/2024/07/Manuraj-Sharma325.jpg?fit=1024%2C594&ssl=1)
काठमाडौँ । सौर्य एयरलाइन्सको विमान दुर्घटनामा एकै परिवारका तीन जनाको मृत्यु भएको छ । सौर्य एयरलाइन्समा प्राविधिक रहेका मनुराज शर्मा उनकी श्रीमती प्रिजा खतिवडा र छोरा अधिराज शर्मा गरी एकै परिवारका तीन जनाको मृत्यु भएको हो ।
प्रिजा ऊर्जा जलस्रोत तथा सिँचाइ मन्त्रालयमा कम्प्युटर अपरेटरका रूपमा कार्यरत रहेकी थिइन् । मनुराज पोखरा जाने भएपछि श्रीमती प्रिजालाई अफिसबाट र छोरा अधिराजलाई विद्यालयबाट बोलाएर घुम्न पोखरा जान लागेका थिए ।
सौर्य एयरलाइन्सले विवरणमा खतिवडा र उनका छोरालाई पनि कम्पनीकै कर्मचारी भएको भने पनि उनीहरू यात्रु रहेको खुलेको हो ।