काठमाडौं । संस्कृति, पर्यटन तथा नागरिक उड्डयन मन्त्रालयले काठमाडौं दरबारमार्गस्थित याक एन्ड यति होटलको क्यासिनो सञ्चालन इजाजतपत्र रद्द गरिदिएको छ ।
पर्यटन विभागले होटल याक एण्ड यती र त्यसमा रहेको क्यासिनो सञ्चालन नगर्न निर्देशन दिएको हो । पर्यटन विभागका निर्देशक मोहनबहादुर जिसीले आज एक विज्ञप्ति जारी गर्दै याक एन्ड यति होटलको स्तर वर्गीकरण प्रमाणपत्रसमेत रद्द गरेको जानकारी दिएका छन् ।
पटक-पटक सूचना जारी गर्दासमेत होटलले इजाजत नवीकरण दस्तुर र रोयल्टी नबुझाएको भन्दै मन्त्रीस्तरीय निर्णयमार्फत नै होटललाई कारवाही गरिएको हो । विभागका अनुसार याक एन्ड यति होटलले नेपाल सरकारलाई ४२ करोड २५ लाख ६८ हजार २५३ रुपैँया ४२ पैसा बुझाउन बाँकी रहेको छ ।
यस्तो छ हेर्नुहोस् पर्यटन विभागले निकालेको विज्ञप्ति
