एजेन्सी, १७ फागुन । स्ट्राइकर एन्टोनीयो ग्रिजम्यान एक्लैले ह्याट्रिक सहित ४ गोल गरेपछि स्पेनिस ला लिगा फुटबलमा दोस्रो स्थानको एथ्लेटिको मड्रिडले १४ औं स्थानको लेगानेसलाई ४–० ले पराजित गरेको छ ।
बुधबार राति मड्रिडको घरेलु मैदानमा सम्पन्न खेलमा ग्रिजम्यानले खेलको २६, ३५, ५६ र ६७ औं मिनेटमा गोल गरेका थिए ।
जितसँगै एथ्लेटिको मड्रिडले एक खेल कम खेलेको शीर्ष स्थानको बार्सिलोनासँगको अंकदूरी ४ मा छोट्याएको छ । एथ्लेटिक २६ खेलवाट ६१ अंक छ भने बार्सिलोनाको २५ खेलवाट ६५ अंक छ ।
त्यस्तै रातिनै सम्पन्न अन्य खेलमा गेटाफेले डिपोर्टीभो ला कोरुनालाई ३–०, सेभिल्लाले मालागा र एइबरले भिल्लारियलाई समान १–० ले पराजित गर्दा एथ्लेटिक बिल्बाओ र भ्यालेन्सीयाले एक÷एक गोलको बराबरी खेलेका छन् ।
