नेइमार
एजेन्सी, फागुन १५ । विश्वकै महँगा खेलाडीको रुपमा परिचित नेइमार घाइते भएका छन् । उनको खुट्टाको हड्डी भाँचिएको छ । अब उनीे केही समय खेल मैदानबाट बाहिर रहने छन् ।
फ्रेन्च लिगमा मार्सेविरुद्ध खेल्दा खुट्टामा चोट लागेर उनी घाइते भएका थिए । उपचारको क्रममा नेयमारको मेटाटार्सल भाँचिएको र कुर्कच्चाको हड्डीमा समेत चोट लागेको पाइएको छ । सो खेलमा पीएसजी ३-० ले विजयी भएको थियो ।
पीएसजी क्लबका फरवार्ड नेइमारले अब च्याम्पियनसीपको अन्तिम १६ का लागि रियल मड्रिडविरूद्ध हुने खेल गुमाउने छन् । गत अगस्टमा पिएसजीमा अनुबन्ध भएपछि ३० खेलमा २९ गोल गरिसकेका छन् । पीएसजीले २ सय मिलियन पाउण्ड तिरेर नेइमारलाई आफ्नो क्लबमा ल्याएको थियो ।
