एजेन्सी, १५ माघ । म्यानचेस्टर सिटीले एफ ए कपको पाँचौ चरणमा स्थान बनाउँदा स्पेनिस ला लिगा फुटबलमा बार्सिलोनाको अपराजित यात्रा जारी छ । आइतबार राति भएको खेलमा क्यार्डियाफ सिटीलाई २ – ० ले हराउँदै म्यान्चेष्टर सिटी एफए कपको पाचौं चरणमा पुगेको छ ।
स्पेनिस लिगमा घरेलु मैदान क्याम्प नउमा बार्सिलोना आलाभेजविरुद्ध २ – १ को संघर्षपूर्ण जित निकाल्न सफल भएको छ । कार्डिफमाथि सिटीको रवाफ प्रिमियर लिग लिडर म्यानचेस्टर सिटीले आइतबार राति कार्डिफ सिटीमाथि २ – ० को जित निकाल्दै अघिल्लो चरणमा स्थान पक्का पक्का गर्ने क्रममा दुवै गोल पहिलो हाफमा सम्भव बनायो ।
खेलको आठौं मिनेटमा केविन डी ब्राउनले गोल गर्दै भ्रमण टोलीलाई सुरुवाति अग्रता दिलाए । ३७ औं मिनेटमा रहिम स्टर्लिङले गोल गर्दै अग्रता दोब्बर पारे। पहिलो हाफमै दुई गोलले पछि परेको घरेलु टोली दोस्रो हाफमा केही राम्रो खेले पनि हारबाट बच्न सकेन। दोस्रो हाफमा दुवै तर्फबाट गोल हुन सकेन । इन्जुरी समयमा बेनेट दोहोरो पहेँलो कार्ड खाँदै मैदानबाट बाहिरिएपछि कार्डिफ सिटी १० खेलाडीमा सीमित भएको थियो ।
अन्तिम समयमा दश खेलाडीमा सिमित भएको फाइदा उठाउन केही प्रयास गरे पनि सिटीले गोल गर्न भने सकेन। घरेलु मैदानमा बार्सिलोनालाई कठिन बार्सिलोनाको होम ग्राउण्ड क्याम्प नउमा भएको खेलमा लिग लिडर बार्सिलोना पहिलो हाफमा पछि परेर पनि २ – १ ले विजयी भयो ।
