काठमाडौँ, साउन ३१ । नेपाल र भारत सरकारको सम्वन्धमा खटपट आएको बेला प्रधानमन्त्री केपी शर्मा ओलीले छिमेकी मित्रराष्ट्र भारतको स्वतन्त्रता दिवसमा शुभकामना सन्देश दिदै आफ्नो कर्तव्य र औपचारिकता पुरा गरेका छन् ।
भारतको ७४ औँ स्वतन्त्रता दिवसका अवसरमा प्रधानमन्त्री ओलीले बधाई तथा शुभकामना व्यक्त गरेका हुन् । उनले सामाजिक सञ्जालमार्फत एक सन्देश पठाउँदै भारतीय प्रधानमन्त्री नरेन्द्र मोदी र सम्पूर्ण भारतीय जनतामा शुभकामना व्यक्त गरेका छन् ।
बधाई तथा शुभकामना सन्देशमा प्रधानमन्त्री ओलीले भारत र भारतीय जनताको निरन्तर प्रगति र सम्मृद्धिको कामना गरेका छन् । भारतले हरेक वर्ष अगष्ट १५ का दिन स्वतन्त्रता दिवस मनाउँदै आएको छ ।
Congratulations and greetings to Prime Minister Shri @narendramodi ji, the Government and people of India on the happy occasion of the 74th Independence Day. Best wishes for more progress and prosperity of the people of India.
— K P Sharma Oli (@kpsharmaoli) August 15, 2020
