३ वैशाख, काठमाण्डौ । आज मातातीर्थ औंसी, आमाको मुख हेर्ने दिन सबैले आफ्नी आमालाई सम्झेका छन् । कतिजना आमालाई भेटेरै मीठो खानेकुरा खान दिई श्रद्धा व्यक्त गर्दैछन् । जो टाढा छ उसले पनि कुनै न कुनै तरिकाले आमालाई सम्झीरहेको हुन्छ । आज आमा सम्झाउने केही टुक्काहरू पढ्नुहोस् :
- आमाको दूधको भारा कति गरे पनि तिरिंदैन
- आमा बाबुको मन छोरा छोरी माथि, छोरा छोरीको मन ढुंगामुढा माथि
- आमा तिरको साइनु न बाबु तिरको साइनु
- आमा पछिको मामा, दाजु पछिकी भाउजु
- आमा भन्दा छोरी बाठी
- आमा चाहिं बेस्करी कुट्ने, छोरो चाहिं ए आमा ए आमा भन्दै उठ्ने
- आमाबाबु थिएनन्, बिहे गरिदिएनन्
- आमा बाबुको माथि हिंड्ने, स्वास्नीलाई शीरमा धर्ने
- आमा बाबुको थाप्लोमा गीर खेल्ने, स्वास्नीले हप्काएपछि लगलगी काम्ने
- आमा लहरे, बाबु पहरे, दाजु कोपिले, भाइ भुकुल्ले
- आमाबाबुको नाता पुरानो, छोराछोरीको नाता नयाँ
- आमा बाबु उठेका, छोराछोरी सुतेका
- आमा जगल्टे, छोरो पखेटे, नाति मट्याङ्ग्रे
- आमा भीख माग्न दिन्नन्, बाबु खान दिंदैनन्
- आमा छउञ्जेल माइति
- आमा छउञ्जेल मीठो मसिनो, बाबु छउञ्जेल लामो चोलो
- आमा दिन्छे, छोरी खान्छे
- आमा दयामा पाइन्छिन्, बाबु पाउन मात्र दुर्लभ छ
- आमा बिनाको के घर, बाबु बिनाको के थर
- आमाले कुट्दा दुख्दैनन्
- आमा बाबुको माया छाती भित्र, तरुनीको माया अँगालोभित्र
- आमालाई छोराका विहाको कुरा मात्रै गर्न पाउँदा पनि बुहारी ल्याए जस्तै लाग्छ
- आमा सित मामाको बखान
- आमा भए बालाई किन अर्काको दोष लाग्थ्यो र
- आमाले दिएको सिस्नाको तिहुन पनि खीरैखीर हुन्छ
- आमा बाबुले भनेको मानिन, आफुले जानिन, बेला पनि बित्यो, बुद्धि पनि पलायो
- आमा झुत्री, छोरी कुप्री, नातिनी सल्सलाउँदी
- आमाका पेटबाटै जानेर त कोही पनि आएको हुँदैन
- आमा छोरीको ऐचोपैंचो, बाबु छोराको लेनदेन
- आमाजस्ती सासू भए किन आउँथे आँसु
- आमा तिरको मामा न बाबु तिरको काका
- आमा देखे भोक हराउँछ
- आमा, धानका भातको कुरा गर न, खाए जस्तो त हुन्छ
- आमा पट्टकिो न बाबु पट्टकिो
- आमा बिनाको घर के काम
- आमा बिनाको संसार सधैं अँध्यारो
- आमा भन्दा छोरी चर्की
- आमा भन्दा छोरी जान्ने
- आमा मरेको छोरो बिग्रिदैन, बाबु मरेको छोरो सप्रँदैन
- आमा र भाउजु एउटै हो
- आमालाई छोराछोरीलाई गर्भैदेखि लात हान्छन्
- आमाले काटेको र बाबुले चाटेको
- आमा सम्झे मातातीर्थ जानू, बाबु सम्झे गोकर्ण जानू
- आमा हुन साह्रो, बाउ हुन सजिलो
- आमैका अगाडि बाबैका दुहाई
- आमाका पेटबाट र कुमालेका चक्रबाट राता, काला, नीला थरीथरीका निस्कँदै जान्छन्
