२८ वैशाख, जनकपुर । भारतीय प्रधानमन्त्री नरेन्द्र मोदीले जानकी मन्दिरमा षोडसोपचार विधिवाट विशेष पूजा गरेका छन् ।
मन्त्रको प्रधानता रहेको यो पूजा जानकी मन्दिरमा आउने विशिष्ट अतिथिलाई मात्र गराइने परम्परा छ ।
जानकी मन्दिरका महन्त रामतपेश्वर दास वैष्णवका अनुसार यसअघि सो मन्दिरमा भारतका राष्ट्रपतिहरू नीलम सञ्जीवा रेड्डी, ज्ञानी जैल सिंह र प्रणव मुखर्जीलाई सो विधिवाट पूजा गराइएको थियो।
