६ जेठ, काठमाडौँ । प्रधानमन्त्री केपी शर्मा ओली राष्ट्रियता ठुलो सानो नहुने बताएका छन् । आज संघीय संसदमा सरकारले ल्याएको आर्थिक वर्ष २०७७/७८ को नीति तथा कार्यक्रमको बारेमा सांसदहरुले सोधेका प्रश्नहरुको उत्तर दिने क्रममा सो कुरा बताएका हुन् ।
प्रधानमन्त्री ओलीले भने, ‘देश भौगोलिक हिसावले ठुलो सानो हुन्छ, तर राष्ट्रियता ठुलो सानो हुदैन ।’ प्रधानमन्त्री केपी शर्मा ओली अहिले संसदमा सम्बोधन गरिरहेका छन् ।
साथै प्रधानमन्त्री केपी शर्मा ओली भारतवाट आएकाहरुमा कडा खालको कोरोना भाइरस (कोभिड-१९) भएको बताएका छन् । प्रधानमन्त्री ओलीले वुहान, इटली, दुवईबाट आएको भाइरस कडा खालको नभएको बताए । उनले भने, ‘तर भारतबाट आएको भाइरस कडा खालको देखिएको छ ।’ पछिल्लो समय भारतबाट आएका धेरैमा संक्रमण देखिएको उनले बताएका छन् ।
यो पनि पढ्नुहोस्
