पृष्ठभूमि र जन्म
देउवा नेतृत्वको सरकारमा नेपाली काँग्रेसको तर्फबाट काठमाडौं-६ बाट प्रत्यक्ष निर्वाचित सांसद भीमसेनदास प्रधानले रक्षा मन्त्रालयको जिम्मेवारी सम्हालेका छन् । प्राध्यापन पेशा छोडेर पूर्णकालीन राजनीतिमा आएका प्रधान कांग्रेस नेता कृष्ण सिटौला समूहबाट मन्त्री बनेका हुन् । कांग्रेसका पुराना नेता प्रधान नेपाली कांग्रेस काठमाडौं जिल्लाका पूर्व सभापति हुन् । गगन थापाले यसअघिको क्याबिनेटमा सिटौलाको कोटाबाटै मन्त्री पाएका थिए । यसपटक त्यो कोटामा भीमसेनदास प्रधान परे ।
काठमाडौंको कांग्रेस राजनीतिमा प्रधानको राम्रो पकड रहेको छ । काठमाडौंको राजनीतिमा पूर्वमहामन्त्री प्रकाशमान सिंहसंग फरक मत राख्ने उनी नेपाल प्राध्यापक संघका पूर्व सभापति हुन् । भीमसेनदास प्रधानको जन्म बि.सं. २०१५ साल श्रावण २ गते काठमाडौं जिल्लाको का.म.पा.–३० ज्याठाको खाडावाल टोलमा भएको हो । उनका बाबुको नाम भैरवदास प्रधान र आमाको नाम जननी प्रधान हो । उनकी श्रीमतीको नाम विधा वनमाली प्रधान हो । उनका दुई छोरी छन् ।
शिक्षा र प्राज्ञिक यात्रा
प्रधानले रसायनशास्त्रमा स्नातकोत्तर तहसम्मको अध्ययन गरेका छन् । विभिन्न पत्रपत्रिकामा वातावरण, विज्ञान, प्रविधि, शान्ति, आर्थिक, विकास लगायतका क्षेत्रमा लेख रचनाहरु प्रकाशित छन् । प्रधानले पहिलो संविधानसभा चुनावमा माओवादी नेता हितमान शाक्यसँग पराजित भएका थिए भने प्रधान ०७० सालमा एमालेका युवा नेता योगेश भट्टराईलाई पराजित गरेर सांसद भएका हुन् । उनको बिभिन्न अनुभव यस प्रकार छ ।
१. तत्कालीन स्वास्थ्य मन्त्रालयको अनुसन्धान अधिकृत (सन् १९७७–१९७८) ।
२. २०४३ सालमा नेपाल प्राध्यापक संघको महासचिव ।
३. TU Assembly को Senate Member (सन् १९९०–१९९२ र २०००–२००२) ।
४. UNISIST/ASTINFO को सदस्य सचिव (सन् १९९०–१९९४) ।
५. UNECO, National Committee को सदस्य (सन् १९९०–१९९२) ।
६. २०५५ सालमा प्राध्यापक संघको अध्यक्ष ।
७. NUTA को सभापति (सन् २००० देखि २००३ सम्म) ।
८. World Peace Federation बाट सन् २००६ मा शान्ति अवार्ड प्राप्त ।
९. Nepal Chemical Society को सदस्य ।
१०. Green Camp Nepal को उपसभापति ।
११. पशुपति विकास कोषको वोर्ड सदस्य ।
१२. TU Academic Council को सदस्य ।
१३. Professional Alliance for Human Right and Development को सभापति ।
१४. Ganeshman Singh and People’s Movement Martyrs Memorial Peace Academy को सभापति ।
१५. Research Center for Applied Science and Technology (RECAST) TU को Associate Professor।
राजनीतिक यात्रा
६ महिना बन्दी जीवन बिताएका प्रधान नेपाली कांग्रेसका लौहपुरुष गणेशमान सिंहको संगतसँगै अनुयायीका रूपमा चिनिन्छन ।
१. वि.सं. २०२८ देखि राजनीतिमा प्रवेश ।
२. २०३३ सालदेखि राजनीतिमा सक्रिय ।
३. २०३६ सालको विद्यार्थी आन्दोलनमा लागेका ।
४. २०४२ सालको सत्याग्रहमा समेत सामेल भएका ।
५. २०५६ सालमा पार्टी जिल्ला सदस्य ।
६. २०५७ सालमा जिल्ला सचिव ।
७. २०५९ सालमा जिल्ला उपसभापति ।
८. जनआन्दोलन २०६२/६३ का चर्चित व्यक्ति ।
९. २०६४ को संविधानसभा निर्वाचनमा काठमाडौँ-६ मा उम्मेदवार ।
१०. पार्टीको १२ औँ महाधिवेशनमा काठमाडौँ कांग्रेसको सभापति ।
११. सिटौला समूहबाट पार्टीको १३ औं महाधिवेशनमा केन्द्रीय सदस्य उम्मेदवार ।
१२. २०७० को संविधानसभा निर्वाचनमा काठमाडौँ-६ बाट निर्वाचित सांसद ।
विदेश भ्रमण
अमेरिका, वेलायत, थाइल्याण्ड, जर्मन, हङकङ, फिलिपिन्स र भारत ।
