पृष्ठभूमि र जन्म
देउवा नेतृत्वको सरकारमा नेपाली काँग्रेसको तर्फबाट बर्दिया-२ बाट प्रत्यक्ष निर्वाचित सांसद सञ्जय गौतमले सिँचाइ मन्त्रालयको जिम्मेवारी सम्हालेका छन् । २ पटक जिल्ला पार्टी सभापति भएका गौतम पहिलोपटक सांसद भएपछि मन्त्री बन्न समेत सफल भएका छन् । जिल्लामा उनी राम्रो पकड भएका नेता हुन् ।
सञ्जय गौतमको जन्म बि.सं. २०२० साल फाल्गुन २ गते नेपालगञ्जको घरबारी टोलमा भएको हो भने हाल बर्दिया जिल्लाको गुलरिया–६ का स्थायी बासिन्दा हुन् । उहाँका बाबुको नाम किशोर कुमार गौतम र आमाको नाम स्व. रक्षा गौतम हो । उहाँकी श्रीमतीको नाम सावित्री गौतम हो ।
शिक्षा
गौतमले राजनीतिशास्त्रमा स्नातक तहसम्मको अध्ययन गरेका छन् ।
राजनीतिक यात्रा
१. गौतमले २०३६–०३७ सालको आन्दोलनसँगै नेपाल विद्यार्थी संघबाट राजनीति शुरु ।
२. २०३६–०३७ सालको आन्दोलनका बेला तीन महिनासम्म भद्रगोल जेलमा विताएका ।
३. २०४९ सालमा वडाध्यक्ष भएर जिल्ला विकास समितिको उपसभापति लडेका ।
४. पार्टीको गाउँ सचिव, क्षेत्रीय सचिव, जिल्लाको सह–सचिव, सचिव हुँदै गौतम पार्टीको जिल्ला सभापति ।
५. पार्टी विभाजनका बेला संस्थापन पक्षमा रहेर सभापति भएका गौतम एकतापछि सर्वसम्मतिले सभापति ।
६. गौतम २०६२/०६३ को आन्दोलनका क्रममा पनि तीन महिना जेल परेका ।
७. २०६४ संविधानसभा निर्वाचनमा उम्मेदवार ।
८. २०७० सालमा संविधानसभा सदस्य ।
९. बिगत लामो समयदेखि अहिले पनि बर्दिया कांग्रेस जिल्ला सभापति ।
नवनियुक्त सिँचाइमन्त्री सञ्जय गौतमले राष्ट्रिय गौरवका आयोजनालाई समयमै सम्पन्न गरिने बताउनुभएको छ । मन्त्रालयमा पदबहाली गरेपछि उनले मुलुकमा रोजगारीको अवसर बढाउन उत्पादन वृद्धि गर्नुपर्ने र त्यसका लागि सिँचाइ सुविधा अपरिहार्य भएको बताए । मन्त्री गौतमले परम्परागत रुपमा गरिँदै आएको सिँचाइ प्रणालीमा नयाँ प्रविधि जोडेर समयसापेक्ष बनाउनुपर्नेमा पनि जोड दिनुपर्ने बताए।
