माघ १२, काठमाडौँ । लामो समयपछि आज प्रतिनिधि सभाले नयाँ सभामुख पाउने भएका छन् । संघीय संसद् सचिवालयले सार्वजनिक गरेको कार्यतालिकाअनुसार आइतबार ३ बजे संसद् भवन नयाँ बानेश्वरमा सभामुखको पदका लागि निर्वाचन हुनेछ । नेकपाका अग्नि सापकोटाको एकल उम्मेदवारी रहेको छ । तर सापकोटाविरुद्ध धेरैले अदालतमा मुद्दा दायर गरेका छन् ।
सभामुखमा एकल उम्मेदवार बनेका अग्नि सापकोटामाथि विभिन्न खालका टिक्का टिप्पणी हुँदै आएको छ नेकपाले सभामुखको उम्मेदवार चयन गरेपछि सापकोटामाथि अर्जुन लामा हत्याको आरोपमा अदालतमा रिट दायर भएको हो ।
आज सभामुखमा निर्वाचित हुन लागेका सापकोटाविरुद्ध परेको रिटमाथिको न्यायाधीश हरि फुयालले सुनुवाइ नगर्ने भएका छन् । न्यायाधीश फुयालले सर्बोच्चको न्यायाधीश हुनुअघि सापकोटाविरुद्धकै अर्को मुद्दामा कानून व्यवसायीको हैसियतले बहस गरेकाले नैतिकताका कारण न्यायाधीश फुयालले सापकोटाविरुद्ध परेको रिटमाथिको सुनुवाइ नगर्ने भएका छन् ।
वरिष्ठ अधिवक्ता दिनेश त्रिपाठीले सापकोटालाई सभामुख नबनाउन माग गर्दै दायर गरेको रिटको सुनुवाइ फुयाँलको एकल इजलासमा आज तोकिएको थियो । न्यायाधीश हरिकृष्ण कार्की र हरि फुँयाल दुवैले न्यायाधीशले सर्वोच्चमा आउनुअघि सुशील प्याकुरेलले सापकोटाविरुद्ध दायर गरेको मुद्दामा बहस गरेका थिए ।
