२ चैत्र, काठमाडौं । नेपाल कम्युनिष्ट पार्टी (नेकपा)का बरिष्ठ नेता एवं पुर्बप्रधानमन्त्री माधबकुमार नेपालले लायन्स क्लबले महाभुकम्प, शिक्षा, स्वास्थ्य एवं समाज सेवाको क्षेत्रमा उदाहरणीय कार्य गरेको बताउनुभएको छ ।
लायन्स क्लब अफ लर्डबुद्धको चार्टरनाइट एवं दोस्रो बार्षिकोत्सबको अबसरमा आयोजना गरिएको कार्यक्रममा बोल्दै उहाँले लायन्स क्लब आपत बिपतको साथी बनेको स्पष्ट पार्नुभएको छ ।
नेता नेपालले समाजसेवाका लागि सबैले आ-आपनो ठाउँवाट भुमिका निर्बाह गरे मात्रै मुलुकको पनि समृद्धि हुन सक्ने उल्लेख गर्नुभएको छ ।
लायन्स क्लबले गत महाभुकम्पमा ठुलो सहयोग गरेको र सिन्धुपाल्चोक लगायतका बिभिन्न जिल्लामा आफु पनि पुगेर राहत बितरण गरेको नेता नेपालले बताउनुभयो । रक्तदान, असाहय र गरीब दिन दुखीका लागि पनि क्लबले सहयोग गर्ने तर क्लबले कार्यक्रम गर्दा चाहिने भन्दा बढी औपचारिकता गरेर समय खर्च गर्न गरेको देखिन्छ । त्यसका अनिबार्य सुधारको खाचो रहेको नेता नेपालले औल्याउनुभएको छ ।
क्लबका अध्यक्ष एवं समाजसेबी बिष्णुप्रसाद भण्डारीको अध्यक्षतामा भएको कार्यक्रममा बिभिन्न क्षेत्रमा महत्वपुर्ण योगदान पु¥याउने बिशिष्ट महानुभाबहरुलाई प्रमुख अतिथि नेपाालले सम्मान गर्नुभएको थियो ।
